Þjónusta

Kerfisval, útboð og rýni

Óháð rýni áður en skrifað er undir, svo kerfisákvarðanir standist til lengri tíma.

Á við þegar

Stór kerfisákvörðun eða útboð er framundan, eða verkefni er ekki að skila því sem lofað var
Greiningin hingað til kemur frá þeim sem bjóða í verkið
Sérsmíði hefur hlaðist upp og uppfærslur eru orðnar kvíðaefni
Þið reiðið ykkur á lausn frá hugbúnaðarhúsi en sjáið ekki nógu langt inn í vegvísi hennar
Verkefni er að tefjast og tæknilegu skýringarnar eru hættar að sannfæra

Val á kerfum og pöllum

Þessi hluti byggir á 25 ára reynslu af Microsoft-pallinum: Dynamics 365, Dataverse og Power Platform. Ég þekki hvar hver hluti nýtist vel og hvar hann hættir að gera það og það sparar mikið að vita það áður en lagt er af stað.

Stærstu spurningarnar eru sjaldnast tæknilegar. Mörkin á milli kerfa ráðast af því hver á hvaða gögn og hver stýrir hvaða ferlum, ekki af leyfum. Leyfamál, þróunarumsýsla og uppsöfnuð sérsmíði ráða svo því hvort uppfærslur verða rútína eða kvíðaefni, en þau ber sjaldnast á góma á kynningarfundum.

Ég þjóna engum söluaðila. Ef annar pallur, sérsmíði eða að gera ekkert er betra svar, segi ég það og sýni rökin. Þegar svarið er Microsoft er það rökstutt, ekki sjálfgefið.

Að byggja á lausn frá hugbúnaðarhúsi

Atvinnugreinalausn frá hugbúnaðarhúsi færir ykkur mikið: sviðsþekkingu, sameiginlega uppfærsluleið og samstarfsaðila sem þekkir ykkar geira. Á móti verður til keðja (Microsoft, hugbúnaðarhúsið og ykkar eigin aðlaganir) sem hreyfist ekki hraðar en hægasti hlekkurinn. Það eru sanngjörn skipti, en þau þarf að meta í heild.

Ég hef setið hinum megin við borðið og borið ábyrgð á vegvísi sem margir viðskiptavinir biðu eftir. Þeir sem fengu mest út úr samstarfinu komu með skýra þarfalýsingu og vissu hvaða ferli greindu þá frá öðrum. Ég hjálpa ykkur að mæta þannig til leiks. Ég vinn líka fyrir hugbúnaðarhús, en aldrei báðum megin í sama máli.

Rýni, innkaup og útboðsstuðningur

Það er algengt að fyrirtæki og stofnanir skuldbindi sig við hönnun sem enginn hefur rýnt nema sá sem lagði hana fram. Óháð rýni metur hönnunina gagnvart viðskiptakröfunum, dregur fram hvar áhættan liggur og setur hana fram á máli sem stýrihópur getur brugðist við.

Í útboðum byrjar vinnan fyrr. Kröfulýsing sem er skrifuð út frá núverandi kerfi, eða á orðfæri eins söluaðila, ræður niðurstöðunni fyrirfram. Ég aðstoða við kröfulýsingar sem lýsa því sem starfsemin þarf að geta og matsviðmið sem greina á milli tilboða á efnislegum forsendum.

Það sem þú færð

Lausnaarkitektúr sem byggir á viðskiptagetu og ferlum, ekki eiginleikalistum
Mat á því hvort pallurinn hentar, með tilliti til leyfa og takmarkana
Yfirlit yfir það sem þið reiðið ykkur á og hversu hratt hver hlekkur hreyfist
Rýni með niðurstöðum raðað eftir áhættu og skýrum úrbótum
Kröfulýsingar fyrir útboð sem lýsa þörfum, ekki núverandi kerfi

Umfang

Arkitektúrrýni

Ein til þrjár vikur. Rýni á framlagðri hönnun eða tilboði, með niðurstöðum raðað eftir áhættu.

Pallamat

Þrjár til sex vikur. Kostir, kostnaður og afleiðingar, fram að rökstuddri tillögu.

Útboðsstuðningur

Fylgir tímalínu innkaupanna, frá kröfulýsingu að mati tilboða.

Lausnaarkitektúr

Tveir til fjórir mánuðir, að hönnun sem er tilbúin til framkvæmdar.

Álit með stuttum fyrirvara

Dagar frekar en vikur, þegar ákvörðun eða áfangi er í nánd.

Tengt

Heildarskipulag og verkferli

Skýr mynd af því hvar starfsemin stendur, hvert hún þarf að fara og hvaða ferli tengja þetta tvennt við daglega vinnu.

Lesa meira Gögn og upplýsingaarkitektúr

Ein samþykkt mynd af kjarnaupplýsingum starfseminnar og leið að henni sem krefst þess ekki að öllu sé skipt út.

Lesa meira Viðbúnaður fyrir gervigreind og erindreka

Heiðarlegt mat á því hvar starfsemin getur óhætt beitt erindrekum og hvað þarf að vera í lagi fyrst.

Lesa meira

Á þetta við hjá ykkur?

Hver er staðan hjá ykkur? Fyrsta samtalið kostar ekkert og skilar oftast því að spurningin verður skýrari, hvort sem framhaldið verður að verkefni eða ekki.

Hafa samband